It-tweġibiet għall-mistoqsijiet tiegħek dwar Airbnb.org.

Airbnb.org tipprovdi postijiet fejn toqgħod ta' emerġenza bla ħlas lin-nies milquta minn diżastri naturali u żminijiet ta' kriżi oħra. F'dawn l-aħħar snin għamilna xi bidliet fil-programm tagħna, għalhekk qed inwieġbu xi mistoqsijiet komuni li jistaqsuna l-hosts.
Laura, host ta' Airbnb.org

Kif taħdem Airbnb.org?

Fi żminijiet ta' kriżi bħal diżastru naturali jew meta xi ħadd ikollu jivvjaġġa biex jirċievi kura medika biex isalva ħajtu, Airbnb.org tgħin lil dawn in-nies fil-bżonn sabiex isibu post fejn toqgħod ta’ emerġenza bla ħlas.
Agħti sehmek

Inwieġbu l-mistoqsijiet komuni dwar kif taħdem Airbnb.org.

Il-hosts xorta jitħallsu? 

Iva, għaliex ladarba Airbnb.org tħallas għall-postijiet fejn toqgħod ta' emerġenza għall-persuni fil-bżonn, il-hosts jitħallsu bl-istess mod bħal meta jilqgħu n-nies fi kwalunkwe żjara oħra.

Għandi bżonn nirreġistra biex nilqa' n-nies li jibbukkjaw permezz ta' Airbnb.org?

M'għandekx bżonn tirreġistra. Il-klijenti ta' Airbnb.org jistgħu jibbukkjaw kwalunkwe post fejn toqgħod li jixtiequ fuq Airbnb. Jekk xi ħadd li se jkun qed joqgħod fil-post tiegħek jibbukkja permezz ta' Airbnb.org, int tirċievi notifika fl-app.Airbnb.org tħallas għal daż-żjarat sabiex in-nies ikollhom il-libertà li jibbukkjaw il-post fejn toqgħod li huwa l-aktar addattat għalihom. Dan ifisser li l-klijenti tagħna jistgħu joqogħdu qrib l-iskola, il-post tax-xogħol, ċentru tal-kura medika jew qrib id-dar bil-ħsara tagħhom sakemm isewwuha.

Li nilqa' n-nies li jibbukkjaw permezz ta' Airbnb.org, jinvolvi aktar xogħol?

M'hemm bżonn xejn iktar. L-ispazju li diġà għandek jista' jgħin lill-familji jerġgħu lura fuq saqajhom meta jgħaddu minn żminijiet diffiċli, bħal faċilitajiet biex jaħslu l-ħwejjeġ, kċina fejn jistgħu jieklu flimkien jew spazju fejn it-tfal jew il-pets ikunu jistgħu jilagħbu.

Il-hosts kif jistgħu jgħinu lil Airbnb.org?

Il-hosts jistgħu jgħinu lil Airbnb.org b'numru ta' modi. Billi jagħtu donazzjoni direttament lil Airbnb.org, għax id-donazzjonijiet jintużaw kollha biex jiffinanzjaw il-postijiet fejn toqgħod ta' emerġenza mingħajr ħlas. F'ċerti postijiet, permezz ta' Airbnb, il-hosts jistgħu jagħtu perċentwal minn kull ħlas li jaqilgħu bħala donazzjoni jew joffru skont fuq il-listings għall-klijenti ta' Airbnb.org biss.

Kif ngħinuk

Meta tilqa' n-nies li jibbukkjaw permezz ta' Airbnb.org, ikollok aċċess għall-għajnuna kollha li kont qed tirċievi bħala Host ta' Airbnb flimkien ma' xi ftit benefiċċji oħra. Tkun imħares/imħarsa minn AirCover għall-Hosts u se jkollok aċċess għat-tim tal-appoġġ għall-klijenti mħarreġ apposta ta' Airbnb.org.L-għaqdiet imsieħba tal-post jidentifikaw lin-nies fil-bżonn u mbagħad jgħinuhom jibbukkjaw żjara għal żmien qasir permezz tal-app ta' Airbnb—li tivverifika l-identità tagħhom bl-istess mod bħal meta l-klijenti jibbukkjaw żjara normali.

Isma' x'għandhom xi jgħidu l-hosts ta' Airbnb.org